BorgWarner ចាប់ដៃគូជាមួយ Wolfspeed

ថ្មីៗនេះ Wolfspeed ដែលជាក្រុមហ៊ុនឈានមុខគេលើពិភពលោកក្នុងបច្ចេកវិទ្យាស៊ីលីកុនកាបូនបានឈានដល់កិច្ចសហប្រតិបត្តិការជាយុទ្ធសាស្រ្តជាមួយ BorgWarner ដែលជាអ្នកផ្តល់ដំណោះស្រាយប្រកបដោយភាពច្នៃប្រឌិត និងនិរន្តរភាពសម្រាប់ទីផ្សាររថយន្ត។ BorgWarner បានបណ្តាក់ទុនចំនួន 500 លានដុល្លារអាមេរិក ដើម្បីធានាបាននូវការផ្គត់ផ្គង់គ្រប់គ្រាន់នៃឧបករណ៍ស៊ីលីកុនកាបូន។ ភាគីទាំងពីរបានចុះហត្ថលេខាលើកិច្ចព្រមព្រៀងរយៈពេលវែង ហើយ BorgWarner នឹងទិញឧបករណ៍រហូតដល់ 650 លានដុល្លារក្នុងមួយឆ្នាំដោយផ្អែកលើតម្រូវការ។ ការអនុវត្តបច្ចេកវិជ្ជាស៊ីលីកុនកាបូនក្នុងធាតុផ្សំសំខាន់ៗនៃរថយន្តអគ្គិសនី ដូចជា traction inverters, on-board chargers (OBC) និង DC-DC converters ធ្វើអោយប្រសើរឡើងនូវប្រសិទ្ធភាពប្រព័ន្ធ កាត់បន្ថយពេលវេលាសាកថ្ម និងពន្យារអាយុកាលថ្ម។