ສະມາຄົມຜູ້ຜະລິດລົດຍົນເອີຣົບຮຽກຮ້ອງໃຫ້ເພີ່ມການລົງທຶນໃສ່ເສົາສາກໄຟລົດຍົນ

ທ່ານ Sigrid de Vries, ເລຂາທິການໃຫຍ່ຂອງສະມາຄົມຜູ້ຜະລິດລົດຍົນເອີຣົບ (ACEA), ໃຫ້ຮູ້ວ່າ: ເພື່ອປິດຊ່ອງຫວ່າງດ້ານພື້ນຖານໂຄງລ່າງ ແລະ ຕອບສະໜອງໄດ້ຕາມເປົ້າໝາຍຂອງດິນຟ້າອາກາດ, ການລົງທຶນໃນພື້ນຖານໂຄງລ່າງສາທາລະນະຕ້ອງເພີ່ມຂຶ້ນໃນທັນທີ. ປະຈຸ​ບັນ, ຈຳນວນ​ເສົາ​ໄຟຟ້າ​ທົ່ວ​ປະ​ເທດ​ໃນ​ສະຫະພາບ​ເອີ​ລົບ​ມີ​ຫຼາຍ​ກວ່າ 630.000 ​ແຫ່ງ, ​ແຕ່​ຄາດ​ວ່າ​ຈຳນວນ​ນີ້​ຈະ​ບັນລຸ 3,5 ລ້ານ​ໜ່ວຍ​ພາຍ​ໃນ​ປີ 2030. ຢ່າງໃດກໍ່ຕາມ, ACEA ຄາດຄະເນວ່າໃນປີ 2030, EU ຈະຕ້ອງການຈຸດສາກໄຟ 8,8 ລ້ານຈຸດເພື່ອຕອບສະໜອງຄວາມຕ້ອງການ, ເຊິ່ງເທົ່າກັບ 1.2 ລ້ານຈຸດສາກໄຟໃໝ່ຕໍ່ປີ ແລະ 8 ເທົ່າຂອງຕົວເລກທີ່ຕິດຕັ້ງໃນປີກາຍນີ້.