ໂຕໂຍຕ້າລົງທຶນ 1.6 ຕື້ໂດລາສະຫະລັດ ເພື່ອຂະຫຍາຍການຜະລິດລົດລູກປະສົມໃນປະເທດໄທ

ທ່ານ Akio Toyoda ປະທານບໍລິສັດ Toyota Motor ປະກາດເມື່ອບໍ່ດົນມານີ້ວ່າ ທ່ານຈະລົງທຶນ 55 ຕື້ບາດ (ປະມານ 1.6 ຕື້ໂດລາສະຫະລັດ) ໃນປະເທດໄທ ເພື່ອຂະຫຍາຍການຜະລິດລົດລູກປະສົມ ຫຼັງຈາກໄດ້ພົບປະກັບນາຍົກລັດຖະມົນຕີໄທ ທ່ານ Paetongtarn Shinawatra ທີ່ຕຶກລັດຖະບານໄທ. ການລົງທຶນດັ່ງກ່າວຈະນຳໃຊ້ເຂົ້າໃນການປັບປຸງໂຮງງານຂອງໄທ ເພື່ອໃຫ້ສາມາດຜະລິດເຄື່ອງຈັກເຜົາໃຫມ້ພາຍໃນ ແລະ ເຄື່ອງຈັກໄຟຟ້າສຳລັບລົດລູກປະສົມ. ນອກ​ນີ້, ການ​ລົງທຶນ​ນີ້​ຈະ​ນຳ​ເອົາ​ວຽກ​ເຮັດ​ງານ​ທຳ, ​ເຕັກ​ໂນ​ໂລ​ຊີ ​ແລະ ຊັບພະຍາກອນ​ມະນຸດ​ມາ​ໃຫ້​ໄທ.