GM və LG Energy akkumulyator zavodunun işçiləri şirkətlə ilk müqaviləni təsdiqləyiblər

Birləşmiş Avtomobil İşçiləri (UAW) həmkarlar ittifaqı martın 6-da bildirib ki, General Motors-un Cənubi Koreyanın LG Energy Solution şirkəti ilə birgə akkumulyator zavodunun işçiləri UAW-nin şirkətlə ilk müqaviləsini böyük səs çoxluğu ilə təsdiqləyiblər. Müqaviləyə əsasən, şirkət işçilərə birdəfəlik 3000 dollar ödəyəcək və akkumulyator zavodunda əmək haqqı Ohayo şərqindəki zavodda Ultium işçilərinin maaşına uyğunlaşdırılacaq. Bundan əlavə, akkumulyator zavodunda çalışan işçilərin başlanğıc əmək haqqı 2027-ci ilin sentyabrına qədər hazırkı 26,91 dollardan 35 dollara yüksələcək.