Toyota ពន្យារពេល​គម្រោង​រោងចក្រ​ផលិត​អាគុយ​រថយន្ត​អគ្គិសនី​នៅ Fukuoka ប្រទេស​ជប៉ុន

ក្រុមហ៊ុន Toyota Motor បានសម្រេចចិត្តពន្យារពេលគម្រោងសាងសង់រោងចក្រផលិតអាគុយរថយន្តអគ្គិសនីនៅខេត្ត Fukuoka ប្រទេសជប៉ុន ដោយសារតម្រូវការរថយន្តអគ្គិសនីទូទាំងពិភពលោកទាបជាងការរំពឹងទុក និងការកើនឡើងថ្លៃដើម។ ប្រធានក្រុមហ៊ុន Toyota លោក Tsuneharu Sato នឹងទៅជួបអភិបាលខេត្ត Fukuoka នាពេលខាងមុខ ដើម្បីជូនដំណឹងជាផ្លូវការដល់រដ្ឋាភិបាលខេត្ត Fukuoka អំពីការសម្រេចចិត្តនេះ។ ពីមុនក្រុមហ៊ុន Toyota បានប្រកាសពីផែនការបង្កើនការផលិត និងលក់រថយន្តអគ្គិសនីជាសាកលដល់ 1.5 លានគ្រឿងនៅឆ្នាំ 2026 ប៉ុន្តែឥឡូវនេះត្រូវបានកែសម្រួលមកត្រឹម 1 លានគ្រឿង ពោលគឺកាត់បន្ថយ 30% ពីផែនការដើម។