BE gjobit 15 prodhuesit kryesorë të makinave me 458 milionë euro

Komisioni Evropian njoftoi se ka vendosur gjoba në shumën prej afro 458 milionë eurosh për 15 prodhuesit kryesorë të makinave dhe Shoqatën Evropiane të Prodhuesve të Automobilave (ACEA) për pjesëmarrjen e tyre në "Aleancën e riciklimit të automjeteve në fund të jetës" anti-konkurruese. Ndër to, Volkswagen, Renault dhe Stellantis janë përballur me gjobat më të larta, përkatësisht 128 milionë euro, 81 milionë euro dhe rreth 75 milionë euro. ACEA u gjobit me 500 mijë euro. Mercedes-Benz-it iu dha imuniteti i plotë nga pagimi i një gjobe prej afro 35 milionë eurosh për zbulimin e aleancës.