Ferrari’ning birinchi elektr avtomobili “elettrica” taqdimoti 2026 yilning bahoriga qoldirildi.

Dastlab joriy yilning 9-oktabr kuni namoyish etilishi rejalashtirilgan Ferrari’ning ilk sof elektromobili “elettrica” ortga suriladi. Ferrari bosh direktori Benedetto Vignaning aytishicha, yangi avtomobil asta-sekin uch bosqichda namoyish etiladi. Birinchi bosqichda elektromobilning texnik yadrosi, ikkinchi bosqichda esa keyingi yilning boshida interyer dizayni ko‘rinishi va yakuniy jahon premyerasi 2026 yilning bahorida bo‘lib o‘tishi rejalashtirilgan. Elektromobil umumiy maydoni 42,5 ming kvadrat metr bo‘lgan va o‘tgan yili foydalanishga topshirilgan “e-building” nomli yangi zavodda ishlab chiqariladi.