2025 yilning yanvar-may oylarida Turkiyada avtomobil savdosi 394 327 donaga yetdi

Turkiyada 2025 yilning yanvar-may oylarida avtomobil savdosi o’tgan yilning shu davriga nisbatan 5,1 foiz ortib 394 ming 327 donaga, yengil tijorat avtomobil bozori esa 1,7 foizga kamayib, 95 ming 39 donaga tushdi. 2025 yilning may oyida avtomobil va yengil tijorat avtomobillari bozori 2024 yil mayiga nisbatan 7,4 foizga oshib, 107 730 donaga yetdi. Dvigatel turi bo'yicha avtomobil bozori: benzinli avtomobillar savdosi 48,1% ni tashkil etib, 189 676 donaga yetdi; gibrid avtomobillar savdosi 27,7% ni tashkil etib, 109 398 donaga yetdi; elektromobillar savdosi 15,2% ni tashkil etib, 59 848 donaga yetdi; dizel avtomobillari savdosi 8,4% ni tashkil etib, 32 960 donaga yetdi; LPG avtomobil savdosi 0,6% ni tashkil etib, 2445 donaga yetdi.