Lucid Motors 2-р улирлын нийлүүлэлтийн рекордыг тогтоожээ

Lucid Motors 2-р улиралд 3,309 автомашин нийлүүлж, долоо дахь улирал дараалан өсөлтөө үзүүлэв. Тус компанийн Гүйцэтгэх захирал шинжээчидтэй уулзсаны дараа шинжээчид Люсидийн хувьцааны үнэ өсөх боломж их байгаа гэж үзсэн байна. Люсид Моторс компанийн мэдээлснээр эхний улирлын эцэст компанийн нийт хөрвөх чадвар 5.76 тэрбум ам.доллар болсон нь 2026 оны хоёрдугаар хагас хүртэл буюу дунд хэмжээний платформ ашиглалтад орох хүртэл үйл ажиллагааг дэмжихэд хангалттай юм. Үүний зэрэгцээ тус компани гурван "топ загвар" боловсруулж байгаа бөгөөд эхний хоёр нь дунд оврын цахилгаан кроссовер жийп, седан байх төлөвтэй байна.